പ്രശസ്ത മലയാളം സിനിമ സംവിധായകൻ ഉണ്ണി ആറന്മുള അന്തരിച്ചു.ചെങ്ങന്നൂരിലെ ഒരു ലോഡ്ജിൽ വച്ചുണ്ടായ ശാരീരിക അസ്വാസ്ഥ്യം മൂലം ബുധനാഴ്ച വൈകിട്ട് ആയിരുന്നു അന്ത്യം. 1987ഇൽ പുറത്തിറങ്ങിയ എതിർപ്പുകൾ എന്ന സിനിമയിലൂടെ മലയാള സിനിമയിലെത്തിയ ഇദ്ദേഹം സ്വർഗം, കമ്പ്യൂട്ടർ കല്യാണം എന്നി ചിത്രങ്ങളും സംവിധാനം ചെയ്തു.
14 സിനിമകൾക്ക് ഗാനരചനയും നടത്തിയിട്ടുണ്ട്.ഡിഫന്‍സ് അക്കൗണ്ട്‌സില്‍ ഉദ്യോഗസ്ഥനായിരുന്നു. സിനിമയോടുള്ള ഇഷ്ടം മൂലംജോലി രാജി വെക്കുകയായിരുന്നു. ഉർവശിയെ ആദ്യമായി മലയാള സിനിമയിലേക്ക് എത്തിച്ചത് ഇദ്ദേഹം ആയിരുന്നു.മമ്മൂട്ടി നായകനായ ആറന്മുള ഉണ്ണി ചിത്രംഎതിർപ്പുകളിലൂടെയാണ് ഉർവശി മലയാള സിനിമയിലേക്ക് അരങ്ങേറ്റം കുറിച്ചത്.
