എല്ലാ സംസ്ഥാനങ്ങളിലും തിരഞ്ഞെടുപ്പ് ചൂട് ആരംഭിച്ചതോടെ മത്സരാർത്ഥികളുടെ പ്രചാരണ തന്ത്രങ്ങളും ശക്തമായി തന്നെ മുന്നോട്ടു പോയിക്കൊണ്ടിരിക്കുകയാണ്. എന്നാൽ ഇപ്പോൾ പുറത്തുവരുന്ന റിപ്പോർട്ടുകൾ അനുസരിച്ച് രാഹുൽഗാന്ധിക്കും, പ്രിയങ്ക ഗാന്ധിക്കും വോട്ട് കൊടുക്കില്ലെന്ന സൂചനയുമായി രംഗത്ത് എത്തിയിരിക്കുകയാണ് അമേഠി, റായ് ബേലി മണ്ഡലത്തിലെ വോട്ടർമാർ.
ഈ രണ്ട് സ്ഥലങ്ങളിലും കോൺഗ്രസ് ഇതുവരെ മത്സരാർത്ഥികളെ പ്രഖ്യാപിച്ചിട്ടില്ല. അതിനാൽ തന്നെ രാഹുൽ ഗാന്ധിയോ,പ്രിയങ്ക ഗാന്ധിയോ അവിടെ മത്സരാർത്ഥികൾ ആകുന്നതിനുള്ള സാധ്യത തള്ളിക്കളയാനും സാധിക്കുകയില്ല. എന്നാൽ ഇവർ രണ്ടുപേരിൽ ആരും മത്സരിച്ചാലും തങ്ങൾ വോട്ട് ചെയ്യില്ല എന്ന ഉറച്ച നിലപാടുമായി രംഗത്ത് എത്തിയിരിക്കുകയാണ് രണ്ടു മണ്ഡലങ്ങളിലേയും വോട്ടർമാർ.
ഈയൊരു മണ്ഡലത്തിൽ കോൺഗ്രസിന് യാതൊരുവിധ പ്രാതിനിധ്യവും ഇല്ല എന്ന രീതിയിലാണ് കാര്യങ്ങൾ മുന്നോട്ടു പോയിക്കൊണ്ടിരിക്കുന്നത്. അവിടെ കോൺഗ്രസിന്റെ ഒരു ഓഫീസ് സ്ഥാപിച്ചിട്ടുണ്ടെങ്കിലും യാതൊരു അനക്കവും ഉണ്ടാക്കാൻ കോൺഗ്രസിനെ ഈ മണ്ഡലങ്ങളിൽ ഇതുവരെ സാധിച്ചിട്ടില്ല. അതിനാൽ തന്നെ കോൺഗ്രസിൽ നിന്ന് ഇനി ആരും മത്സരിച്ചിട്ടും കാര്യമില്ല എന്ന രീതിയിലാണ് ഈ രണ്ട് മണ്ഡലങ്ങളിലെയും വോട്ടർമാരുടെ പ്രതികരണം.
