തനി നാടൻ ലുക്കിൽ വന്ന് മലയാളി മനസ്സ് കവർന്ന് എടുത്ത സുന്ദരി. മലയാളികൾ എന്നെന്നും ഓർമിക്കുന്ന കഥാപാത്രങ്ങൾ സമ്മാനിച്ച നടി കൂടിയാണ് സംവൃത സുനിൽ. ഭർത്താവ് അഖിലിനും മക്കളായ അഗസ്ത്യയ്ക്കും രുദ്രയ്ക്കുമൊപ്പം യു.എസിലാണ് സംവൃത ഇപ്പോൾ താമസിക്കുന്നത്. സിനിമയിൽനിന്ന് വിട്ടുനിൽക്കുന്ന താരം ഇപ്പോൾ കുടുംബജീവിതം ആസ്വദിക്കുന്ന തിരക്കിലാണ്.
തന്റെ ജീവിതത്തിലെ പ്രിയപ്പെട്ട നിമിഷങ്ങളും ആഘോഷങ്ങളും കൊച്ചു കൊച്ചു സന്തോഷങ്ങളും യാത്രയുടെ വിശേഷങ്ങളുമെല്ലാം സംവൃത ഇൻസ്റ്റഗ്രാമിലൂടെ ആരാധകർക്കായി പങ്കുവെയ്ക്കാറുണ്ട്. ഇപ്പോഴിതാ നോർത്ത് കരോലിനയിലെ വീട്ടിൽ നിന്നുള്ള വിഷു ആഘോഷത്തിന്റെ ചിത്രങ്ങളാണ് സംവൃത ഇൻസ്റ്റാഗ്രാമിൽ പോസ്റ്റ് ചെയ്തിരിക്കുന്നത്.
നീലക്കരയുള്ള സെറ്റ് മുണ്ട് ഉടുത്ത് വളരെ സന്തോഷ വൃത്തിയായി ചിരിക്കുന്ന ചിത്രങ്ങളാണ് സംവൃത പോസ്റ്റ് ചെയ്തിരിക്കുന്നത്. സംവൃതയ്ക്ക് മുടി കെട്ടിക്കൊടുക്കുന്ന ഭർത്താവ് അഖിലിനേയും സഹോദരി സൻജുക്ത സുനിലിനേയും ചിത്രങ്ങളിൽ കാണാം.2012ലാണ് സംവൃതയും അഖിലും വിവാഹിതരായത്. 2015 ഫെബ്രുവരി 21-ന് മൂത്ത മകൻ അഗസ്ത്യ ജനിച്ചു. 2020 ഫെബ്രുവരി 20-നാണ് ഇളയ മകൻ രുദ്ര ജനിച്ചത്. മകൻ അഗസ്ത്യക്ക് പിറന്നാൾ സമ്മാനമായി ഒരു കുഞ്ഞ് സഹോദരൻ എത്തിയിരിക്കുന്നുവെന്നാണ് അന്ന് സംവൃത ഇൻസ്റ്റഗ്രാമിൽ കുറിച്ചത്.
