2000 -ൽ നിലവിൽ വന്ന വൺ 97 എന്ന ഐ ട്ടി കമ്പനിയുടെ കീഴിൽ പ്രവർത്തിച്ചുകൊണ്ടിരിക്കുന്ന പേ- ടിയേം പേയ്മെൻ്റ് അപ്പുകൾക്ക് തലവേദനയായി റിസേർവ് ബാങ്കിൻ്റെ പുതിയ മാർഗ്ഗ നിർദ്ദേശം പുറത്ത്. നിലവിൽ പേ- ടിയേം പേയ്മെൻ്റ് സർവ്വീസ്സിന് പുറമേ, ഇൻഷുറൻസ്, പേഴ്സണൽ ലോൺ, മാൾ, ഓൺലൈൻ റീട്ടെയിൽ ഷോപ്പുകൾ എന്നിവയുണ്ടെങ്കിലും,
ഇപ്പോൾ പേ- ടിയേം ബാങ്ക് പേയ്മെൻ്റിനാണ് ആർബിഐയുടെ പുതിയ നിർദേശം ബാധകമാകുന്നത്. ഫെബ്രുവരി 29 ആം തീയതി മുതൽ പൂർണമായും പേ- ടിയേം പേയ്‌മെന്റ് ബാങ്കിൻറെ പ്രവർത്തനം നിലക്കും എന്നാണ് ഔദ്യോഗിക റിപ്പോർട്ടുകൾ.
ഫെബ്രുവരി 29 നു ശേഷം അക്കൗണ്ടിലേക്ക് പണം ഡിപ്പോസിറ്റ് ചെയ്യാൻ സാധിക്കില്ല. എന്നാൽ നിലവിൽ അക്കൗണ്ടിൽ ഉള്ള തുക പിൻവലിക്കുന്നത് ഒരു തടസ്സവും ഉണ്ടാകില്ല. ഇത് സംബന്ധിച്ചുള്ള അറിയിപ്പുകൾ പേ- ടിയെം തങ്ങളുടെ ഉപഭോക്താക്കൾക്ക് അറിയിച്ചു കൊണ്ടിരിക്കുകയാണ്.
