സൂര്യ 44: കാർത്തിക് സുബ്ബരാജ്- സൂര്യ കൂട്ടുകെട്ടിലെ പുതിയ ചിത്രം വാഗ്ദാനം ചെയ്യുന്നത് പ്രണയവും, ചിരിയും, യുദ്ധവും.ജിഗർതണ്ട ഫെയിം കാർത്തിക് സുബ്ബരാജും നടിപ്പിൻ നായകൻ സൂര്യയും ഒന്നിക്കുന്ന പുതിയ ചിത്രം ‘സൂര്യ 44 ‘എന്ന താൽക്കാലിക നാമകരണത്തോടെ പ്രസിദ്ധപ്പെടുത്തി.
നടൻ സൂര്യ തൻറെ ട്വിറ്റർ , ഇൻസ്റ്റാഗ്രാം പേജുകളിലൂടെയാണ് ചിത്രത്തിൻറെ ഔദ്യോഗിക പ്രഖ്യാപനം നടത്തിയത്. പ്രണയം ,ചിരി ,യുദ്ധം എന്ന് ടാഗ്‌ ലൈൻ നൽകിയിരിക്കുന്ന ചിത്രത്തിൻറെ പോസ്റ്ററിനു താഴെ ഇതൊരു പുതിയ തുടക്കം ആണെന്നും എല്ലാവരുടെയും അനുഗ്രഹം ആവശ്യമാണെന്നും താരം കുറിച്ചു.കങ്കുവയ്ക്കുശേഷം തന്റെ പുതിയ ചിത്രത്തിൻറെ പ്രഖ്യാപനം കാർത്തികുമായുള്ള ഒരു ചിത്രത്തോടെ മാർച്ച് 28 നാണ് സുര്യ നടത്തിയത്.
2023ൽ റിലീസ് ചെയ്ത ജിഗർതണ്ട ഡബിൾ എക്സ് ആണ് കാർത്തിക്കിന്റെ അവസാന ചിത്രം.
