വിഷ്ണു ഉണ്ണികൃഷ്ണനെ നായകനാക്കി കിരൺ നാരായണ ഒരുക്കുന്ന പുതിയ ചിത്രം സൂപ്പർമാനെ സ്നേഹിക്കുന്ന കുട്ടികളുടെ കഥ പറയുന്നു. സൂപ്പർമാൻ കഥകളിൽ ആകൃഷ്ടരായ നാല് കുട്ടികളെ കേന്ദ്രീകരിച്ചാണ് കഥ മുന്നോട്ടുപോകുന്നത് തികച്ചും ഗ്രാമീണ പശ്ചാത്തലത്തിൽ ഒരുങ്ങുന്ന ചിത്രം കുട്ടികളുടെ സ്വപ്നസാക്ഷാത്കാരത്തിന്റെയും,അതിനായുള്ള അവരുടെ പരിശ്രമത്തിന്റെയും കഥയാണ്.
സൂപ്പർമാനെ വെച്ച് സിനിമ ചെയ്യുക എന്ന ലക്ഷ്യവുമായി നടക്കുന്ന കുട്ടികൾ അതിനായി സമീപിക്കുന്നത് നാട്ടിൽ സിനിമ സംവിധായകനാകാൻ ആഗ്രഹിച്ചു നടക്കുന്ന ചെറുപ്പക്കാരനെയാണ് ചെറുപ്പക്കാരൻ ഇതിനായി കുട്ടികളോടൊപ്പം ഇറങ്ങിത്തിരിക്കുന്നതും അവർക്ക് പിന്നീട് ഉണ്ടാകുന്ന രസകരമായ അനുഭവങ്ങളുമാണ് സിനിമയിൽ ഉള്ളത്.ചിരിയും ചിന്തയും ഉണർത്തുന്ന ഈ പുതിയ ചിത്രത്തിനായി കുട്ടികളും മുതിർന്നവരും ഒരുപോലെ കാത്തിരിക്കുന്നു.
