രാജ്യമെങ്ങും തിരഞ്ഞെടുപ്പ് ചൂടിലാണ്. ഓരോ രാഷ്ട്രീയ പാർട്ടികളും അവരുടെ വിജയത്തിനായുള്ള അവസാനഘട്ട ശ്രമങ്ങൾ നടത്തിക്കൊണ്ടിരിക്കുകയാണ്. അതിനിടയിലാണ് വയനാട്ടിൽ അണികൾക്കിടയിൽ ആവേശം നിറച്ചു കൊണ്ട് മണ്ഡലത്തിലെ യുഡിഎഫ് സ്ഥാനാർത്ഥി രാഹുൽ ഗാന്ധി ബത്തേരിയിൽ എത്തിച്ചേർന്നിട്ടുള്ളത്.
തമിഴ്നാട്ടിൽ സ്ഥിതി ചെയ്യുന്ന നീലഗിരി ആർട്സ് ആൻഡ് സയൻസ് കോളേജിന്റെ ഗ്രൗണ്ടിലേക്ക് ഹെലികോപ്റ്റർ മാർഗമാണ് രാഹുൽ ഗാന്ധി വന്നിറങ്ങിയത്. വന്നിറങ്ങിയപ്പോൾ തന്നെ വിദ്യാർത്ഥികൾ ഉൾപ്പെടുന്ന ഒരു വലിയ വിഭാഗം അദ്ദേഹത്തിന്റെ ചുറ്റും തടിച്ചുകൂടി.
ഇന്ന് വയനാട്ടിൽ രാഹുൽ ഗാന്ധിയുമായുള്ള റോഡ് ഷോകളും യുഡിഎഫ് സംഘടിപ്പിച്ചിട്ടുണ്ട്.മാനന്തവാടി, പുൽപ്പള്ളി, വെള്ളമുണ്ട ഉൾപ്പെടെയുള്ള സ്ഥലങ്ങളിലൂടെയാണ് അദ്ദേഹം റോഡ് ഷോ നടത്തുന്നത്. കൂടാതെ മാനന്തവാടിയിലുള്ള രൂപത ആസ്ഥാനത്തും രാഹുൽ സന്ദർശനം നടത്തുന്നുണ്ട്. അതിനുശേഷം വൈകുന്നേരം കോഴിക്കോട് നടത്തുന്ന കോൺഗ്രസ് സമ്മേളനത്തിലും രാഹുൽ വേദി പങ്കിടുന്നതായിരിക്കും.
