അങ്ങനെ പെരുമാനി എന്ന ഗ്രാമത്തിന്റെ കഥ പുറത്തു വരുന്നു . ലുക്ക്‌മാൻ അവറാൻ സണ്ണി വെയ്ൻ, വിനയ് ഫോർട്ട്‌, എന്നിവരെ പ്രധാന കഥാപാത്രങ്ങളാക്കി മജു സംവിധാനം ചെയ്യുന്ന ചിത്രമാണ് പെരുമാനി. അപ്പന് ശേഷം മഞ്ജുവിന്റെ സംഥാനത്തിൽ ഇറങ്ങുന്ന പുതിയ പടം കൂടിയാണിത് . ഇപ്പോൾ ചിത്രത്തിന്റെ മോഷന്‍ പോസ്റ്റര്‍ അണിയറക്കാര്‍ പുറത്തുവിട്ടിരിക്കുകയാണ് . വ്യത്യസ്തമായ ഗെറ്റപ്പിൽ പ്രധാന താരങ്ങളൊക്കെയുള്ള പോസ്റ്ററില്‍ ഒരു വലിയ ആമയെയും കാണാം. ഈ കളർഫുൾ ആമയാണ് പോസ്റ്ററിലെ പ്രധാന ഹൈലൈറ്റ് പെരുമാനി’ എന്ന ഗ്രാമവും അവിടെ ജീവിക്കുന്ന മനുഷ്യരും അവർ അഭിമുഖീകരിക്കുന്ന പ്രശ്നങ്ങളും അവിടുത്തെ സംഭവവികാസങ്ങളുമൊക്കെയാണ് ‘പെരുമാനി’യുടെ ഇതിവൃത്തം. സംവിധായകൻ മജു തന്നെയാണ് ചിത്രത്തിന്റെ തിരക്കഥ തയ്യാറാക്കിയിരിക്കുന്നത്.
ചിത്രം ഒരു ഫാന്റസി ഡ്രാമയാണ്. യൂൻ വി മൂവീസും മജു മൂവീസും ചേർന്നാണ് ചിത്രം അവതരിപ്പിക്കുന്നത്. ഫിറോസ് തൈരിനിലാണ് ചിത്രത്തിന്റെ നിർമ്മാതാവ്. ചിത്രത്തിന്റെ ഡിസ്ട്രിബ്യൂഷൻ സെഞ്ച്വറി ഫിലിംസാണ് സ്വന്തമാക്കിയിരിക്കുന്നത്. പെരുമാനി മെയ് മാസത്തിൽ പ്രദർശനത്തിനെത്തും.സണ്ണി വെയ്ൻ- അലൻസിയർ ചിത്രം അപ്പന് ശേഷം മജു സംവിധാനം ചെയ്യുന്ന സിനിമയാണ് പെരുമാനി. 2022 ഒക്ടോബർ 28നാണ് ‘അപ്പൻ’ റിലീസ് ചെയ്തത്.
വലിയ രീതിയിൽ പ്രേക്ഷക സ്വീകാര്യത നേടിയ സിനിമയാണ് ‘അപ്പൻ’. പെരുമാനിയില്‍ വിനയ് ഫോർട്ട്‌ അവതരിപ്പിക്കുന്ന കഥാപാത്രത്തിന്റെ വ്യത്യസ്തമായ ഗെറ്റപ്പ് ഏറെ നാളുകൾക്ക് മുന്നേ സോഷ്യൽ മീഡിയകളിൽ വൈറലായിരുന്നു. മോഷൻ പോസ്റ്റർ കൂടെ കണ്ടതോടെ വിനയ് ഫോർട്ടിന് മാത്രമല്ല ഈ സിനിമയ്ക്ക് മൊത്തത്തിൽ പ്രത്യേകതയുണ്ടെന്ന നിഗമനത്തിലേക്കാണ് പ്രേക്ഷകർ എത്തിചേർന്നിരിക്കുന്നത്. ദീപ തോമസ്, രാധിക രാധാകൃഷ്ണൻ, നവാസ് വള്ളിക്കുന്ന്, വിജിലേഷ്, ഫ്രാങ്കോ തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ.
