മലയാള സിനിമയ്ക്ക് ഒരു വേറിട്ട മുഖം സമ്മാനിക്കാനൊരുങ്ങുന്ന സിനിമയാണ് ‘ഒരു കട്ടിൽ ഒരു മുറി ‘. പൂർണിമ മോഹൻ, രഘുനാഥ് പലേരി,വിജയ രാഘവൻ,ഹക്കീം ഷാ, പ്രിയംവദ കൃഷ്ണൻ എന്നിവരെ പ്രധാന കഥാപാത്രങ്ങളാക്കി ഷാനവാസ്‌ ബാവക്കുട്ടി സംവിധാന ചെയ്യുന്ന സിനിമയാണ് ഒരു കട്ടിൽ ഒരു മുറി. വളരെ വ്യത്യസ്തമായ പോസ്റ്റർ, പാട്ടുകൾ, ടീസർ എന്നിവ കൊണ്ടൊക്കെ തന്നെ ചിത്രം സോഷ്യൽ മീഡിയയിൽ ഇപ്പോൾ തന്നെ ചർച്ചയായി കഴിഞ്ഞു.
രഘുനാഥ് പലേരിയാണ് ചിത്രത്തിന്റെ തിരക്കഥ ഒരുക്കിയിട്ടുള്ളത്.ചിത്രത്തിന്റെ എടുത്തു പറയേണ്ട മറ്റൊരു പ്രത്യേകത ശ്രദ്ധേയമായ പ്രണയ ഗാനങ്ങളാണ്. പാട്ടുകൾ പുറത്തിറങ്ങിയ ദിവസം തൊട്ട് തന്നെ വളരെ വലിയ രീതിയിലാണ് ഓളം സൃഷ്ടിച്ചു കൊണ്ടിരിക്കുന്നത്. പോസ്റ്റർ ഉൾപ്പെടെയുള്ള കാര്യങ്ങളെല്ലാം ശ്രദ്ധ പിടിച്ചുപറ്റി കൊണ്ടിരിക്കുന്നതിന് ഇടയിലൂടെയാണ് ഇപ്പോൾ വ്യത്യസ്തമായ മൂവി ട്രെയിലർ കൂടി അണിയറ പ്രവർത്തകർ പുറത്ത് വിട്ടിട്ടുള്ളത്. പ്രധാന കഥാപാത്രങ്ങളെ കൂടാതെ ഷമ്മി തിലകൻ,ജാഫർ ഇടുക്കി ഉൾപ്പെടെയുള്ള ഒരു നീണ്ട താരനിരയും ചിത്രത്തിലുണ്ട്.
സിനിമയുടെ പേര് സൂചിപ്പിക്കുന്നത് പോലെ തന്നെ ഒരു മുറിയെയും അതിനകത്തുള്ള ഒരു കട്ടിലിനെയും ആസ്പദമാക്കിയാണ് കഥ പൂർണമായും നടക്കുന്നത്. വളരെയധികം രസകരമായ മുഹൂർത്തങ്ങൾ കോർത്തിണക്കിക്കൊണ്ട് നിർമ്മിച്ചിരിക്കുന്ന ഈ സിനിമയിലെ ഗാനങ്ങൾ രചിച്ചിരിക്കുന്നത് രഘുനാഥ് പലേരിയും, അൻവർ അലിയും ചേർന്നാണ്. എന്തായാലും ഒട്ടനവധി പുതുമകൾ നിറച്ച് തിയേറ്ററുകളിൽ പ്രദർശനത്തിന് ഒരുങ്ങുന്ന ‘ ഒരു കട്ടിൽ ഒരു മുറി’ എന്ന ചിത്രം പ്രേക്ഷകർ ഇരുകൈയും നീട്ടി സ്വീകരിക്കട്ടെ.
