പൃഥ്വിരാജ് നായകനാകുന്ന ‘ഗുരുവായൂരമ്പല നടയിൽ’ പുതിയ ചിത്രത്തിൻറെ ടീസർ ഇന്നലെ പുറത്തുവന്നു. വിപിൻ ദാസ് സംവിധാനം ചെയ്യുന്ന ചിത്രത്തിൽ പൃഥ്വിരാജ് സുകുമാരൻ , നിഖില വിമൽ , അനശ്വര രാജൻ , ബേസിൽ ജോസഫ് , യോഗി ബാബു എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. തമിഴ് ഹാസ്യതാരം യോഗി ബാബു മലയാളത്തിൽ അഭിനയിക്കുന്നു എന്ന പ്രത്യേകതയും ചിത്രത്തിനുണ്ട്. മലയാള സിനിമയിലെ യോഗി ബാബുവിൻ്റെ അരങ്ങേറ്റം കൂടിയാണിത് . സുപ്രിയ മേനോൻ ,നിഖില വിമൽ എന്നിവർ ഇൻസ്റ്റഗ്രാം പേജിലൂടെയും ചിത്രത്തിൻറെ ഡീസർ പുറത്തെത്തിയ കാര്യം ആരാധകരെ അറിയിച്ചു. മെയ്‌ 16 ന് ചിത്രം തിയേറ്ററുകളിൽ എത്തും എന്നാണ് അറിയിപ്പ്. ഒരു ഫൺ ഫാമിലി എന്റർടെയിനറായിരിക്കും ചിത്രമെന്നാണ് ടീസർ നൽകുന്ന സൂചന. ‘ജയ ജയ ജയ ജയ ഹേ’ ചിത്രത്തിന് ശേഷം വിപിൻ ദാസ് സംവിധാനം ചെയ്യുന്ന ചിത്രമാണ് ‘ഗുരുവായൂരമ്പലനടയിൽ’. ഇതിനിടെ ചിത്രത്തിനെതിരെ വിശ്വഹിന്ദു പരിഷത്ത് നേതാവ് പ്രതീഷ് വിശ്വനാഥ് രംഗത്ത് വന്നിരുന്നു. ‘ഗുരുവായൂര്‍ അമ്പലനടയില്‍’ എന്നാണ് ചിത്രത്തിന്റപേര്. ഗുരുവായൂരപ്പന്റെ പേരിൽ എന്തെങ്കിലും കാണിച്ചുകൂട്ടാൻ ആണെങ്കിൽ വാരിയം കുന്നനെ ഓര്‍ത്താന്‍ മതിയെന്നാണ് പ്രതീഷ് വിശ്വനാഥ് ഫെയ്‌സ്ബുക്കില്‍ കുറിച്ചത്. പൃഥ്വിരാജ് പ്രൊഡക്ഷൻസും ഇ ഫോർ എന്റർടെയ്ൻ മെന്റ്സും ചേർന്നാണ് ചിത്രം പ്രേക്ഷകരിലേക്ക് എത്തിക്കുന്നത്.
