മലയാളീ ടീ വി പ്രേക്ഷകർക്കിടയിൽ വളരെയധികം ജനശ്രദ്ധ നേടിക്കൊണ്ടിരിക്കുന്ന ഒരു ടിവി ഷോയാണ് ബിഗ് ബോസ്. നിലവിൽ മലയാളത്തിൽ ബിഗ്ബോസ് സീസൺ സിക്സാണ് സം പ്രേക്ഷണം ചെയ്തു കൊണ്ടിരിക്കുന്നത്. മലയാളത്തിന്‍റെ പ്രിയ നടൻ മോഹൻലാൽ അവതാരകനായി എത്തുന്നു എന്നതാണ് ഷോയുടെ ഏറ്റവും വലിയ ആകർഷണം.
നിലവിൽ വളരെ ശക്തരായ മത്സരാർത്ഥികൾ തന്നെയാണ് ബിഗ് ബോസ് ഹൗസിനുള്ളിൽ ഉള്ളത്. എന്നാൽ അതിൽ തന്നെ പുറത്ത് ഏറ്റവും ചർച്ച നടന്നു കൊണ്ടിരിക്കുന്ന ഒരു കൂട്ടുകെട്ടാണ് ജാസ്മിൻ ഗബ്രി കോമ്പോ..
ഇതുവരെ വളരെ ശക്തമായി തന്നെ ഗെയിം കളിച്ചുകൊണ്ടിരുന്ന ജാസ്മിൻ ഇപ്പോൾ വളരെയധികം മാനസികമായിതകർന്ന അവസ്ഥയിലാണ് ഉള്ളത്. നിലവിലെ ബിഗ് ബോസ് ക്യാപ്റ്റനും ജാസ്മിൻ തന്നെയാണ്. ഇപ്പോൾ സോഷ്യൽ മീഡിയയിൽ വളരെയധികം ചർച്ചയായി കൊണ്ടിരിക്കുന്ന ഒരു കാര്യം ജാസ്മിന് ബിഗ്ബോസ് ഒരു സീക്രട്ട് ലെറ്റർ നൽകിയോ എന്നതാണ്.
കുറച്ചു ദിവസങ്ങൾക്ക് മുൻപായിരുന്നു ജാസ്മിന്‍റെ അച്ഛന് സുഖമില്ല എന്ന് പറഞ്ഞ് ബിഗ് ബോസ് ജാസ്മിന് കോൾ കണക്ട് ചെയ്തു നൽകിയത്. ഇത് മറ്റ് മത്സരാർത്ഥികളുടെ നിലനിൽപ്പിനെ ചോദ്യം ചെയ്യുന്ന രീതിയാണ് എന്ന രീതിയിലുള്ള ആരോപണങ്ങൾ നിലനിൽക്കുന്ന സാഹചര്യത്തിലാണ് ഇപ്പോൾ ജാസ്മിന് ഒരു പ്രത്യേക ലെറ്റർ ലഭിച്ചിട്ടുള്ളത്.
അതിൽ എന്താണ് എഴുതിയിട്ടുള്ളത് എന്ന കാര്യം ഇപ്പോഴും വ്യക്തമല്ല. ചിലപ്പോൾ വീട്ടിനകത്ത് നടപ്പിലാക്കേണ്ട കാര്യങ്ങളായിരിക്കും അതിൽ ഉൾപ്പെടുത്തിയിട്ടുണ്ടാവുക എന്നും പ്രേക്ഷകർ പറയുന്നു. എന്തായാലും പുതിയ വൈൽഡ് കാർഡ് എൻട്രികൾ കൂടി വീട്ടിനകത്ത് പ്രവേശിച്ചതോടെ ജാസ്മിൻ വളരെയധികം മാനസികമായി തളർന്ന അവസ്ഥയിലാണ് ഉള്ളത്.
