പ്രേമം എന്ന മികച്ച മലയാള സിനിമയിലൂടെ ശ്രദ്ധേയമായ വേഷം ചെയ്ത് മലയാളി പ്രേക്ഷകരുടെ മനസ്സിൽ ഇടം പിടിച്ച നടിയാണ് അനുപമ പരമേശ്വരൻ. പിന്നീട് മലയാള സിനിമയിൽ ചെറിയ രീതിയിലുള്ള വേഷങ്ങളെല്ലാം അനുപമ ചെയ്തിരുന്നുവെങ്കിലും ശ്രദ്ധേയമായ റോളുകൾ വളരെ കുറവായിരുന്നു.
എന്നാൽ ഇപ്പോൾ അനുപമ തെലുങ്കു സിനിമയിൽ നൂറുകോടി ക്ലബ്ബിൽ കയറിയ ചിത്രമായ തില്ലു സ്ക്വയറിൽ വളരെ പ്രാധാന്യമേറിയ ഒരു വേഷമാണ് അവതരിപ്പിച്ചിട്ടുള്ളത്. ചിത്രത്തിൽ അനുപമ ചെയ്ത അതീവ ഗ്ലാമർസ് രംഗങ്ങളാണ് ഇപ്പോൾ സോഷ്യൽ മീഡിയയിൽ ചർച്ചയായി കൊണ്ടിരിക്കുന്നത്.
മാർച്ച് 29ന് ആയിരുന്നു തില്ലു സ്ക്വയർ തിയേറ്ററുകളിൽ എത്തിയത്. സിദ്ധ ജന്നാലഗണ്ഡയാണ് ചിത്രത്തിൽ അനുപമയുടെ നായകനായി എത്തുന്നത്. അതീവ ഗ്ലാമറസായി അനുപമ അവതരിപ്പിച്ചിട്ടുള്ള ഈയൊരു നായിക വേഷത്തിന് കോടികളാണ് താരം പ്രതിഫലം വാങ്ങിയിട്ടുള്ളത് എന്നും അഭ്യൂഹങ്ങൾ പരക്കുന്നുണ്ട്.
മാലിക് റാം സംവിധാനം ചെയ്തിട്ടുള്ള തില്ലു സ്ക്വയർ 2022ൽ പുറത്തിറങ്ങിയ തെലുഗു ക്രൈം കോമഡി ചിത്രം ഡിജെ തില്ലുവിന്റെ രണ്ടാം ഭാഗമാണ്. എന്തായാലും അനുപമയുടെ മലയാളത്തിലേക്കുള്ള ശക്തമായ തിരിച്ചുവരവിനായി കാത്തിരിക്കുകയാണ് മലയാളി പ്രേക്ഷകർ.
