മലയാളികളുടെ ഇഷ്ടതാരം ജോജു ജോർജ് പോലീസ് വേഷത്തിൽ എത്തുന്ന പുതിയ ചിത്രമാണ് ‘ആരോ’. ജോജുവിനെ കൂടാതെ അനുമോൾ,കിച്ചു ടെല്ലസ് എന്നിവരും ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നു. കരിം ആണ് ചിത്രത്തിന്റെ തിരക്കഥാകൃത്തും, സംവിധായകനും. മലയാളത്തിലെ പ്രശസ്ത പ്രൊഡ്യൂസർ ആയ ലിസ്റ്റിൻ സ്റ്റീഫനാണ് ചിത്രത്തിന്റെ ട്രെയിലർ സോഷ്യൽ മീഡിയ വഴി പുറത്തു വിട്ടിട്ടുള്ളത്.
ചിത്രത്തിൽ ജോജുവിനോടൊപ്പം അഭിനയിക്കുന്ന മറ്റ് താരങ്ങൾ സുധീർ കരമന,ടോഷ് ക്രിസ്റ്റി, ജയരാജ് വാര്യർ എന്നിങ്ങനെ ഒരു നീണ്ട താരനിര തന്നെയാണ്. അഞ്ജലി എന്റർടൈമെന്റ്സ്,വി ത്രീ പ്രൊഡക്ഷൻസ് എന്നിവർ ചേർന്നാണ് ചിത്രത്തിന്റെ നിർമ്മാണം നടത്തുന്നത്.
ഇതിനു മുൻപും വ്യത്യസ്ത പോലീസ് വേഷങ്ങളിലൂടെ മലയാളി പ്രേക്ഷകരെ അമ്പരപ്പിച്ച നടനാണ് ജോജു. പ്രത്യേകിച്ച് നായാട്ടു പോലുള്ള ചിത്രങ്ങളിൽ ജോജു അവതരിപ്പിച്ച പോലീസ് വേഷം മലയാളി പ്രേക്ഷകരുടെ മനസ്സിൽ ഇപ്പോഴും ഒരു നൊമ്പരമാണ്.
അത്തരത്തിൽ ശക്തമായ ഒരു പോലീസ് വേഷം തന്നെയായിരിക്കും ആരോ എന്ന് സിനിമയിലൂടെ ജോജു മലയാളി പ്രേക്ഷകർക്ക് സമ്മാനിക്കുക എന്ന് പ്രത്യാശിക്കാം.മെയ് 9നാണ് ചിത്രം തിയേറ്ററുകളിൽ പ്രദർശനത്തിന് എത്തുന്നത്.
