രാജ്യത്ത് വ്യത്യസ്ത ഘട്ടങ്ങളായി ലോക്സഭ തിരഞ്ഞെടുപ്പ് ആരംഭിച്ചു കഴിഞ്ഞു. എന്നാൽ കേരളം ഉൾപ്പെടെയുള്ള സംസ്ഥാനങ്ങളിൽ തിരഞ്ഞെടുപ്പ് വരാനിരിക്കുന്നതേയുള്ളൂ. എന്തായാലും തിരഞ്ഞെടുപ്പിന്റെ അവസാനഘട്ട പ്രചാരണങ്ങൾ രാജ്യമെങ്ങും ചൂടു പിടിച്ചുകൊണ്ടിരിക്കുകയാണ്. അതിനിടെയാണ് പ്രധാനമന്ത്രി നരേന്ദ്രമോദി കോൺഗ്രസ് തയ്യാറാക്കിയ പ്രകടനപത്രികയെ വിമർശിച്ച് രംഗത്തെത്തിയത്.
ഹിന്ദു,മുസ്ലിം എന്നിങ്ങനെ വ്യത്യസ്ത രീതിയിൽ തരംതിരിച്ചുകൊണ്ടുള്ള ഒരു പ്രകടനപത്രികയാണ് കോൺഗ്രസിന്റേത് എന്ന രീതിയിലാണ് മോദി പ്രസ്താവന ഇറക്കിയത്.
എന്നാൽ തിരഞ്ഞെടുപ്പിൽ വിജയിക്കാനായി ഇത്തരം നുണപ്രചാരണങ്ങൾ നടത്തേണ്ട ആവശ്യമില്ലന്നും തങ്ങളുടെ പ്രകടനപത്രികയിൽ ഹിന്ദു, മുസ്ലിം എന്നിങ്ങനെയുള്ള വാക്കുകൾ എവിടെയാണ് ഉപയോഗിച്ചിരിക്കുന്നത് എന്ന് കാണിച്ചു തരണമെന്നും ആവശ്യപ്പെട്ടുകൊണ്ടാണ് കോൺഗ്രസ് നേതാക്കൾ പ്രധാനമന്ത്രിക്ക് എതിരെ വെല്ലുവിളി ഉയർത്തിയിട്ടുള്ളത്. ഒന്നുകിൽ ധൈര്യത്തോടുകൂടി ഈയൊരു വെല്ലുവിളിയെ ഏറ്റെടുക്കുകയോ, അതല്ലെങ്കിൽ ഇത്തരം നുണപ്രചാരണങ്ങളിൽ നിന്ന് മാറിനിൽക്കുകയോ ചെയ്യണം കോൺഗ്രസിന്റെ വക്താവ് പവൻ ഖേര അഭിപ്രായപ്പെട്ടത്.
