‘അരമനൈ 4’ എന്ന ചിത്രത്തിലെ പ്രമോഷൻ ഗാനത്തിനൊപ്പം ചുവടുവെക്കുകയാണ് ദേവനന്ദ മാളികപ്പുറം. വീഡിയോ ഇതിനോടകം തന്നെ ഇൻസ്റ്റഗ്രാമിൽ വൈറലായി കഴിഞ്ഞു. “അച്ചച്ചോ..”എന്ന് തുടങ്ങുന്ന ഗാനത്തിൽ തമന്ന ഭാട്ടിയ, റാഷി ഖന്ന തുടങ്ങിയവർ ചുവടുവയ്ക്കുന്നു. സുന്ദർ സി സംവിധാനം ചെയ്ത ഈ തമിഴ് ഹൊറൊർ ചിത്രം ഏപ്രിൽ 26 ന് തിയേറ്ററുകളിലെത്തും. വിഘ്‌നേഷ് ശ്രീകാന്തിൻ്റെ വരികൾക്ക് ഖരേസ്മ രവിചന്ദ്രൻ സംഗീതം നൽകുന്നു.
തമന്ന ഭാട്ടിയ, റാഷി ഖന്ന, സന്തോഷ് പ്രതാപ് , രാമചന്ദ്ര രാജു , കോവൈ സരള , യോഗി ബാബു തുടങ്ങി ഒരു നീണ്ട താരനിര ചിത്രത്തിലുണ്ട്. ബ്ലാക്ക് ആൻഡ് വൈറ്റ് കോമ്പിനേഷനിൽ തമന്നയും റാഷിയും വിസ്മയം തീർക്കുന്ന ഗാനത്തിൽ ആവിശ്വസനിയമായ നിരവധി രംഗങ്ങൾ ഉണ്ട്.
ദേവനന്ദയും ബ്ലാക്ക് ആൻഡ് വൈറ്റ് കോമ്പിനേഷൻ കോസ്റ്റുമിൽ ആണ് വിഡിയോയിലൂടെ ആരാധകരെ കയ്യിലെടുത്തിരിക്കുന്നത്.
നിരവധി പേർ താരത്തിനു ആശംസകളുമായി കമന്റ്റുകൾ ഇട്ടു. ഉണ്ണിമുകുന്ദന്റെ മാളികപ്പുറം എന്ന സിനിമായിലൂടെ മലയാളികളുടെ മനം കവർന്ന ദേവനന്ദ പത്തോളം ഫീച്ചർ ചിത്രങ്ങളിൽ ക്യാരക്ടർ റോളുകളിലും അഭിനയിച്ചിട്ടുണ്ട്.
