വളരെ ചുരുങ്ങിയ സിനിമകൾ കൊണ്ട് തന്നെ മലയാളി പ്രേക്ഷകർക്കിടയിൽ വളരെ വലിയ സ്ഥാനം നേടിയെടുത്ത ഒരു നടനാണ് പ്രണവ് മോഹൻലാൽ. മലയാളികളുടെ പ്രിയ നടൻ മോഹൻലാലിന്റെ മകൻ എന്നതിലുപരി മലയാള സിനിമയിൽ തന്റേതായ സ്ഥാനം നേടിയെടുക്കാൻ പ്രണവിന് സാധിച്ചു. ഇപ്പോഴിതാ പ്രണവ് -ധ്യാൻ കൂട്ടുകെട്ടിൽ തിയേറ്ററുകളിൽ ഹിറ്റായി ഓടിക്കൊണ്ടിരിക്കുന്ന സിനിമയാണ് വിനീത് ശ്രീനിവാസൻ സംവിധാനം ചെയ്ത വർഷങ്ങൾക്ക് ശേഷം. സിനിമ തിയേറ്ററുകളിൽ വൻ വിജയമായി ഓടിക്കൊണ്ടിരിക്കുമ്പോഴും പ്രണവ് തന്റെ യാത്രാ തിരക്കുകളിലാണ്.
അതുമായി ബന്ധപ്പെട്ട താരവുമായി ചേർന്നുള്ള ഫോട്ടോകൾ ഊട്ടിയിൽ നിന്നും പങ്കുവെച്ചിരിക്കുകയാണ് ഒരുപറ്റം ആരാധകർ. യാത്രകൾ ഒരുപാട് ഇഷ്ടപ്പെടുന്ന പ്രണവ് വർഷത്തിൽ ഒരു സിനിമ എന്ന പാറ്റേണിലാണ് ഇപ്പോൾ സിനിമകൾ ചെയ്തു കൊണ്ടിരിക്കുന്നത്. ഇതിനു മുൻപ് പ്രണവ് അവസാനമായി അഭിനയിച്ചത് വിനീത് ശ്രീനിവാസൻ ചിത്രമായ ഹൃദയത്തിൽ ആയിരുന്നു. പ്രണവുമായി ഊട്ടിയിൽ വെച്ച് ആരാധകർ പങ്കുവെച്ച ചിത്രത്തിന് സോഷ്യൽ മീഡിയയിൽ വലിയ രീതിയിലുള്ള പ്രതികരണങ്ങളാണ് ലഭിച്ചു കൊണ്ടിരിക്കുന്നത്.
ആരാധകരെ ഒട്ടും നിരാശപ്പെടുത്താത്ത പ്രകൃതമാണ് പ്രണവിന്റെത്. അതുകൊണ്ടുതന്നെ എവിടെവച്ച് കണ്ടാലും തന്റെ ആരാധകരോടൊപ്പം വിശേഷങ്ങള്‍ പങ്കിടാനും, സെൽഫി എടുക്കാനും താരം സമയം ചിലവഴിക്കാറുമുണ്ട്. എന്തായാലും പ്രണവിന്റെ അടുത്തതായി പുറത്തിറങ്ങാൻ ഇരിക്കുന്ന സിനിമ ഏതായിരിക്കുമെന്ന ആകാംക്ഷയിലാണ് ആരാധകർ.
