എൻ ഡി എ സ്ഥാനാർഥി രാജീവ് ചന്ദ്രശേഖരനായി തിരുവനന്തപുരത്ത് ഞായറാഴ്ച നടന്ന തിരഞ്ഞെടുപ്പ് പ്രചാരണത്തിന് നടി ശോഭന എത്തി.”രാഷ്ട്രിയതിലെക്ക് ഇറങ്ങാൻ ഇതുവരെ തീരുമാനിച്ചിട്ടില്ല ഞാൻ ഇപ്പോഴും ഒരു അഭിനയത്രി മാത്രമാണ് ആദ്യം മലയാളം പഠിക്കണം മലയാളത്തിൽ പ്രസംഗിക്കാൻ അറിയില്ല” എന്നാണ് തന്റെ രാഷ്ട്രീയ പ്രവേശനത്തെ പറ്റിയുള്ള ഒരു മാധ്യമ പ്രവർത്തകന്റെ ചോദ്യത്തിന് മറുപടിയായി നടി പറഞ്ഞത്.
തിങ്കളാഴ്ച പ്രധാനമന്ത്രി പങ്കെടുക്കുന്ന പരിപാടിയിലും താൻഉണ്ടാകുമെന്നും അവർ പറഞ്ഞു. ബി ജെ പി യിൽ ആകൃഷ്ടയാണോ? എന്ന ചോദ്യത്തിന് ‘അതുകൊണ്ടാണല്ലോ ഞാൻ എന്റെ വീടുവിട്ട് ഇവിടേക്ക് വന്നിരിക്കുന്നത്’ എന്നാണ് നടി പറഞ്ഞത്. നെയ്യാറ്റിൻകരയിലെ പ്രചാരണ പരിപാടികളിലും നടി പങ്കെടുക്കും എന്നാണ് സുചന. ഒരു നീണ്ട ഇടവേളയ്ക്ക് ശേഷമാണ് കേരളത്തിൽ വിഷു ആഘോഷിക്കുന്നത് എന്ന് പറഞ്ഞ നടി എല്ലാവർക്കും വിഷു ആശംസകൾ നേർന്നു.
തെരഞ്ഞെടുപ്പ് പ്രചരണത്തിനായി തിങ്കളാഴ്ച കാട്ടാക്കടയുള്ള ക്രിസ്ത്യൻ കോളേജ് ഗ്രൗണ്ടിലാണ് നരേന്ദ്രമോദി എത്തുക.രാജീവ് ചന്ദ്രശേഖരനെ കൂടാതെ ആറ്റിങ്ങൽ നിന്നും സ്ഥാനാർത്ഥിയായ വി മുരളീധരനും ചടങ്ങിൽ പങ്കെടുക്കും.ശശി തരൂരിനെതിരെ നടി ശോഭനയെ ബിജെപി തുറുപ്പുചീട്ടാക്കിയിരിക്കുന്നുഎന്നും റൂമറുകൾപ്രചരിക്കുന്നുണ്ട്.
