‘ന്നാ താൻ കേസു കൊട് ‘ എന്ന ചിത്രത്തിലൂടെ മലയാളി പ്രേക്ഷകർക്കിടയിൽ വളരെയധികം ശ്രദ്ധ പിടിച്ചു പറ്റിയ നടീ നടന്മാരാണ് രാജേഷ് മാധവനും, ചിത്ര നായരും. വീണ്ടും ഇവർ ഒന്നിച്ചെത്തുന്ന മറ്റൊരു മലയാള ചിത്രമാണ് സുരേശന്‍റെയും സുമലതയുടെയും ഹൃദയഹാരിയായ പ്രണയ കഥ. ചിത്രത്തിന്‍റെ തിരക്കഥ ഒരുക്കിയിരിക്കുന്നത് രതീഷ് ബാലകൃഷ്ണൻ പൊതുവാളാണ്. അദ്ദേഹം തന്നെയാണ് ചിത്രം സംവിധാനവും ചെയ്യുന്നത്.
മറ്റു സിനിമകളിൽ നിന്നും തികച്ചും വേറിട്ട രീതിയിലുള്ള പൂജ ചടങ്ങാണ് ഈയൊരു സിനിമയ്ക്ക് ഉണ്ടായിരുന്നത്. അതായത് ചിത്രത്തിലെ നായകനും നായികയും വിവാഹം കഴിക്കാൻ ഒരുങ്ങുന്നതുമായി ബന്ധപ്പെട്ട സേവ് ദി ഡേറ്റ് ചിത്രീകരിക്കുന്ന രീതിയിലായിരുന്നു ഷൂട്ട് ആരംഭിച്ചത്. അന്നത് സോഷ്യൽ മീഡിയയിൽ വളരെ വലിയ ചർച്ചകൾക്ക് തുടക്കം കുറിക്കുകയും ചെയ്തു.
പലരും കരുതിയിരുന്നത് ഇവർ ശരിക്കും വിവാഹിതരാകാൻ പോകുന്നു എന്ന രീതിയിലായിരുന്നു. എന്നാൽ പിന്നീട് ചിത്രവുമായി ബന്ധപ്പെട്ട ഇന്റർവ്യൂകളിലാണ് അത് സിനിമയ്ക്ക് വേണ്ടി എടുത്തു വച്ച രംഗമായിരുന്നു എന്ന് പലരും മനസ്സിലാക്കിയത്.
പ്രണയത്തിനും തമാശയ്ക്കും വളരെയധികം പ്രാധാന്യം നൽകിക്കൊണ്ട് പുറത്തിറങ്ങാൻ ഇരിക്കുന്ന സുരേശന്‍റെയും സുമലതയുടെയും ഹൃദയഹാരിയായ പ്രണയകഥ മെയ് 16ന് തിയേറ്ററുകളിൽ എത്തുമെന്നാണ് പുറത്തു വരുന്ന റിപ്പോർട്ടുകൾ.ന്നാ താൻ കേസ് കൊട് ചിത്രത്തിൽ വിജയ് മാധവനും, ചിത്രയും അഭിനയിച്ച് തകർത്ത കോമ്പോ സീനുകൾ അത്ര പെട്ടെന്നൊന്നും സിനിമാ പ്രേക്ഷകർ മറക്കാൻ ഇടയില്ല.
